▲ Դեպի վեր

lang.iso lang.iso lang.iso

1984-ի, 1999-ի և 2000-ի Նոր տարիներն իմ կյանքի ամենատխուրն էին. Լիլիթ Կարապետյան

Asekose.am-ի տարվա ամփոփիչ բլից հարզացրույցին պատասխանել է երգչուհի Լիլիթ Կարապետյանը:

-Սիրո՞ւմ եք Նոր տարին… Եթե այո, ապա ինչո՞ւ:

-Անչափ սիրում եմ: Ինչքան էլ, որ արդեն այն տարիքում եմ, որ պիտի չհավատամ Ձմեռ պապիկի գոյությանը, բայց մեկ է ինձ համար Ձմեռ պապիկ կա: Անչափ սիրում եմ ամեն ինչի համար: Ամենակարևորը, որ այդ տոնը տոնում է ամբողջ աշխարհը, և որ այն մանուկների ամենասիրելի տոնն է:

-Ինչպիսի՞ն էր 2014-ը Ձեզ համար:

-2014թվ-ը ինձ համար շատ բեղմնավոր էր: Նկարահանեցինք երկու տեսահոլովակ, ունեցա բազմաթիվ հրավերներ թե Հայաստանում, թե Հայաստանից դուրս, ինչը կշարունակվի 2015-ին էլ:

-Ձեր կյանքի ամենաուրախ և հիշվող Նոր տարին:

-Ծնված օրից մինչև 9 տարեկան, երբ հայրիկս մեր կողքին էր: Ամեն ինչ կազմակերպում էր հայրս և անթերի: Եվ, իհարկե, արդեն 5 տարի է մենք էլի նշում ենք այդ տոնը հրաշալի, որն էլ պայմանավորված է որդուս հանգամանքով:

-Ձեր կյանքի ամենատխուր Նոր տարին:

-Ես կնշեմ թվականներով. 1984, 1999, 2000:

-2014-ի ամենակարևոր իրադարձությունը:

-Երկու երգերս և այդ երգերի հիման վրա նկարահանած տեսահոլովակները:

 -Որտե՞ղ և ո՞ւմ հետ եք անցկացնելու Նոր Տարին:

-Ինչպես միշտ մի պահ տանը, իսկ գերակշռող մասն աշխատանքային մթնոլորտում ընկերներիս  հետ:

-Ի՞նչ նվեր եք ցանկանում Ձմեռ պապիկից:

-Ձմեռ պապիկին կխնդրեմ ինձ համար բերի մի նվեր փաթեթ` գեղեցիկ երգ և տեսահոլովակ:

-Ի՞նչ եք ակնկալում 2015-ից:

-Թող բոլոր մանուկները լինեն առողջ, լինի խաղաղություն և բարին տիրի համայն մարդկությանը:

Հեղինակ` Լիլիթ Հակոբյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին