Դիտեք նաև՝
Life.Panorama.am-ի այսօրվա զրուցակիցը դերասան Նիկոլայ Եղիազարյանն է:
-Ավարտվեց ATV հեռուսատաընկերությամբ հեռարձակվող «Կյանքից առավել»հեռուստասերիալը: Այժմ այլ զբաղվածություն, առաջարկներ ունե՞ք:
-Ներկա պահին ոչ մի տեղ զբաղվածություն չունեմ: Առաջարկները դեռևս հաստատված չեն, պարզապես խոսակցություններ են:
-Ժամանակին Արմենիա հեռուստաընկերության սերիալային «գերաստղերից» էիք, զբաղված էիք բոլոր սերիալների գլխավոր կերպարներում: Ինչո՞վ է պայմանավորված Ձեր այժմյան բացակայությունը:
-Ճիշտն ասած՝ պատճառը չգիտեմ: Միայն կարող եմ ասել, որ դա պայմանավորված չէ մարդկային հարաբերություններով: Միմյանց հետ ոչ մի խնդիր չենք ունեցել: Կարծում եմ, պատճառն այն է, որ ես նկարահանվեցի իրար հաջորդող երեք հեռուստասերիալներում՝ «Շփացած խելագարներ», «Դիմակահանդես», «Դժվար ապրուստ»: Հավանաբար, այսքանից հետո մի փոքր դադարը ճիշտ էր, թեև, կարծես թե այդ դադարը շատ երկար տևեց:
-Նիկոլայ, բայց երբ կերպարիդ մեջ շատ ես մտնում, դա պատճառ չի՞ կարող դառնալ, որ հետագայում մնաս «դերի տակ»:
-Փառք Աստծո, ինձ հետ երբեք նման բան չի եղել: Ես ունեմ ուժ և կամք, գիտակցություն, որպեսզի դա ինձ, իմ տեսակին չհաղթի: Շատ էին խոսակցությունները, որ ես ինձ եմ խաղում, իմ կյանքը: Բնականաբար, նման բան չի եղել: Խոսակցությունների պատճառ, հավանաբար, այն է դարձել, որ ես և ֆիլմերում, և առօրյայում իմ ավտոմեքենան եմ վարել:
Առավել մանրամասն` սկզբանղբյուր կայքում