Newmag.am-ը գրում է. «Եվրատեսիլ» համաեվրոպական երգի մրցույթի Wiwibloggs.com հայտնի կայքը, որն ամեն օր լուսաբանում է առաջիկա օրերին աշխարհի բազմաթիվ երկրներում տեղի ունեցող նախաեվրատեսիլյան ընտրությունները, անդրադարձել է նաև հայաստանյան «Genealogy» խմբին:

Բացի այն, որ կայքը անդրադարձել է այս տարվա մեր երկրի ընտրած ձևաչափին՝ ներկայացնելով համակողմանի մանրամասներ, հեղինակը հրապարակել է նաև այն հավանական մասնակիցների ցանկը, ովքեր կընդգրկվեն նորաստեղծ խմբում: Այսօր արդեն առաջին թեկնածուի կանխագուշակումը արդարացվել է: Ցուցակում ներառված ֆրանսիահայ երգիչ Եսային կներկայացնի Եվրոպա աշխարհամասը:

Այսպիսով՝ ըստ օգտատերի և համանուն կայքի, հայկական Genealogy» խմբի կազմում կընդգրկվեն նաև Հայաստանից Ինգա Արշակյանը, Թամար Կապրելյանը (Ամերիկա), Աթենա Մանուկյանը (Ավստրալիա), Վահե Թիլբյանը (Աֆրիկա) և Ստեֆանի Թոփալյանը (Ասիա):

Աղբյուրը` newmag.am