«Газпром-Медиа» հոլդինգն մտադիր է իր ժամանցային հեռուստաընկերությունները`  ТНТ-ն, «Пятница»-ն, ТВ-3-ն ու  2х2-ը միավորել  մեկ խմբում:

Այս մասին գրում է «Կոմերսանտ»-ը` նշելով, որ  տարեկան ավելի քան  20  միլիարդ ռուբլու շրջանառության հավակնող խումբը վստահվելու  է  Comedy Club Production-ի հիմնադիր և ղեկավար Արթուր Ջանիբեկյանին:

Ըստ աղբյուրի, «Газпром-Медиа» հոլդինգի ամենախոշոր հեռուստաընկերությունը` НТВ-ն շարունակելու է գործել  նորաստեղծ խմբից առանձին:

Նշենք, որ նախնականում  «ТНТ Групп» անունը ստացած խումբն իրավաբանորեն դեռ չի գրանցվել, զարգացման ռազմավարությունը դեռ չի մշակվել, սակայն   «Газпром-Медиа» հոլդինգի ղեկավարությունն ու  աշխատակիցները մեծ հույսեր են կապում նրա ղեկավար  Արթուր Ջանիբեկյանի հետ, քանի որ միշտ հիացմունքով  են հետևել նրա գործունեությանն ու հեռուստաարտադրանքին, որոնք  վաղուց  առաջատար են ռուսական շուկայում:
Հիշեցնենք, որ մի առիթով` պատասխանելով հարցին, թե ինչպես սկսել ու դառնալ մեդիաշուկայի առաջատար, Արթուր Ջանիբեկյանը պատասխանել է. «Բանաձևը պարզ է. առաջինը գաղափարն է, երկրորդը` իրագործումը, երրորդը`գծի հստակ շարունակությունը տարիների ընթացքում»: