«Սիրելի կանայք և աղջիկներ,

Սրտանց շնորհավորում ենք ձեզ կանանց տոների կապակցությամբ: Ձեզ սեր, գեղեցկություն և երջանկություն ենք մաղթում: Թող մեր փոքրիկ երաժշտական անակնկալ-նվերը էլ ավելի ջերմացնի ձեր հոգիները և մեր ակնածանքի վկայությունը դառնա: Անսահման սիրով և խորին հարգանքով,

Միշտ ձեր` Արմեն, Հայկո և Արման»,-գրել է ԿԳ նախարար Արմեն Աշոտյանը ֆեյսբուքյան էջում՝ ներկայացնելով խոստացված երգը:

Ինձ խոստացիր, որ կհիշես անունը իմ:

Ինձ խոստացիր, որ կսիրես օրերը հին:
Ինձ խոստացիր, որ կպատմես հազար հեքիաթ:
Ինձ խոստացիր, որ կմնաս միշտ հարազատ:

Ինձ խոստացիր արևածագ,
Ինձ խոստացիր գարնան վտակ,
Ինձ խոստացիր, որ չեմ մնա ես մեն-մենակ:

Կանցնեն օրեր ու տարիներ` քեզ կսպասեմ:
Կանցնեն ամպեր ու քամիներ` քեզ կպահեմ:
Կանցնեն նրանք, ում համբուրել եմ, բայց ստել:
Կանցնեն նրանք, ում արթնացել ու չեմ տեսել:

Կանցնեն մարդիկ խայտաբղետ,
Կանցնեն ու կկորչեն անհետ, 
Կանցնեն բոլորը` դու մնա ինձ հետ:

Ինձ խոստացիր, որ կհիշես անունը իմ ...