Երգչուհի Հասմիկ Կարապետյանն իր ֆեյսբուքյան էջում փոխել է իր ազգանունն ու դարձել Կիրմիզյան: Asekose.am-ի թղթակիցը կապ հաստատեց երգչուհու հետ` ճշտելու համար արդյոք վերջինիս բեմական ազգանունը նույնպես կփոխվի.
«Ոչ, իմ բեմական ազգանունը չի փոխվելու: Ազգանվանս փոփոխությունը ամուսնուս խնդրանք-պահանջն է եղել: Մենք օրինականացրել ենք մեր հարաբերություններն ու դարձել ենք օրինական ամուսիններ, այդ պատճառով որոշեցի փոխել ազգանունս, քանի որ գեղեցիկ է, երբ ընտանիքում բոլորն ունենում են նույն ազգանունը»:
Այն հարցին` արդյոք երգչուհին երկարատև դադարից հետո պատրաստվում է նոր ստեղծագործություններով հանդես գալ, Հասմիկն ասաց, որ սեպտեմբեր ամսին հանրության դատին կհանձնի իր նոր երգն ու տեսահոլովակը.
«Դեր Հովայի հետ միասին աշխատում ենք իմ նոր ստեղծագործության վրա, որը տևել է մոտ երկու տարի: Այն պետք է պատրաստ լիներ ապրիլի 24-ին, քանի որ նվիրված է Հայոց ցեղասպանության 100-ամյանկին: Երգը կոչվում է «Դու պիտի ապրես»: Երաժշտության հեղինակը ես եմ, խոսքերի հեղինակը` Ավետ Բարսեղյանը: Երգն ու տեսահոլովակը կներկայացնեմ սեպտեմբերի 21-ին»,-Asekose.am-ի թղթակցի հետ իր խոսքն ավարտեց երգչուհին:
Հեղինակ` Անահիտ Հարությունյան
Կարդացեք նաև` Ես և Շանթը մեր անձնականում ունեցել ենք փորձ, որը չպետք է լիներ. Հասմիկ Կարապետյան
