Ըստ լուրերի` հոլիվուդյան հայտնի դերասան Բեն Աֆլեքը բաժանումից հետո այլևս միայնակ չէ: Ասեկոսեների համաձայն` նա սիրավեպ է սկսել իր երեք երեխաների դայակ` ազգությամբ հայ Քրիստին Ուզունյանի հետ: Վերջինս Բեն Աֆլեքի և նրա կնոջ` դերասանուհի Ջենիֆեր Գարների մոտ սկսել էր աշխատել, երբ դեռ աստղային զույգը չէր հայտարարել իր ամուսնալուծության մասին, սակայն բաժանվելու որոշումն արդեն կայացված էր: Ըստ լուրերի` Գարները, տեսնելով իր ամուսնու և 28-ամյա դայակի միջև եղած համակրանքը, վերջինիս ազատել էր աշխատանքից, սակայն դա չի խանգարել նրանց հետագա շփմանը:
Համացանցում հայտնվել է տեսանյութ, որում լրագրողները փորձում են Քրիստինից մեկնաբանություն ստանալ, սակայն դա նրանց չի հաջողվում: Հավելենք, որ Բեն Աֆլեքի ներկայացուցիչները հերքել են նոր սիրավեպի մասին լուրերը: