Life.panorama.am-ը գրում է, որ իր այսօրվա զրուցակիցն է Երևանի Սունդուկյանի անվան ազգային ակադեմիական թատրոնի դերասան Ռոման Բաբայանը, ով հեռուստադիտողին առավել հայտնի է «Կյանքի կարուսել» մանրապատումներից, ինչպես նաև տարբեր հեռուստասերիալներից:
-Այս շրջանում Հայաստանում չեք գտնվում, հետաքրքիր է՝ որտե՞ղ եք գտնվում և ի՞նչնպատակներով:
- Այժմ գտնվում եմ Ռուսաստանի Դաշնությունում, բայց կոնկրետ գտնվելուս վայրը չեմ ասի, դեռ գաղտնիք թող մնա նաև այն, թե ինչու եմ եկել այստեղ:
-Որքանով տեղյակ եմ՝ շուտով Ձեզ կտեսնենք գեղարվեստական ֆիլմում, մի փոքրկպատմե՞ք այդ մասին:
- Այո, առաջիկայում կներկայանամ նոր գեղարվեստական ֆիլմում, որի մասին շատ մանրամասներ հաղորդելու իրավունքը չունեմ, միայն կարող եմ ասել, որ այն հայկական արտադրության ֆիլմ չէ:
-Գրեթե բոլոր հեռուստատեսությունները արդեն զբաղված են նոր եթերաշրջանիծրագրերով: Որևէ հեռուստատեսային առաջարկ արդեն ունե՞ք:
- Ոչ, առայժմ ոչ մի առաջարկ չունեմ:
-Ռոման, երբ առաջարկ եք ստանում, ի՞նչն եք ամենաշատը կարևորում այն ընդունելու հարցում:
-Ինձ համար կերպարը պետք է անելիք ունենա, լինի խաղարկային, և ամենակարևորը, իմ կերպարը պետք է լինի այնպիսին, որ ես իմ կատարած գործից հաճույք ստանամ:
-Իսկ գումարային կողմը ինչքանո՞վ նշանակություն ունի:
- Գումարը շատ կարևոր տեղ է զբաղվեցնում, բայց առաջնությունը, բնականաբար, տալիս եմ մասնագիտությանս:
Առավել մանրամասն` սկզբնաղբյուր կայքում