▲ Դեպի վեր

ՎԵՐՋԻՆ ԼՈւՐԵՐԸ

Սպիտակներից մինչև սևեր, բաց դռներից մինչև փակ թեմաներ

Ո՞ր մարզաձևում են լավագույնը դրսևորում հայերը. Հարցում Երևանում

Քվեարկեցի. մեկնում եմ Նյու Յորք. Նիկոլ Փաշինյան

Մտածում ես՝ վախ մամա ջան, այդ ինչպես ենք դրա միջով անցել, հարազատներին կորցնելու վախ կար. Թամարա Պետրոսյան

Ինչ է պատմում հայ վարսահարդար-ոճաբան Կարեն Մադաթյանը` Սիրուշոյի, Լիլիթ Հովհաննիսյանի և այլոց մասին



2015-08-25 13:36:29

Blognews.am-ը գրում է. Ամերիկաբնակ հայտնի վարսահարդար Կարեն Մադաթյանի մասին լսել են և գիտեն ոչ միայն ԱՄՆ-ում, որտեղ նա ապրում և աշխատում է։ Հայկական շոու բիզնեսի շատ ներկայացուցիչներ, ովքեր ժամանակ առ ժամանակ լինում են ԱՄՆ-ում, իրենց վարսերը հիմնականում վստահում են Կարենին: Զրույցում հայտնի վարսահարդար-ոճաբանը պատմել է իր մասնագիտության, նորաձև սանրվածքների և ինչպես նաև  Սիրուշոյի, Լիլիթ Հովհաննիսյանի, Էմմիի, Արմինկայի, Արփինե Գաբրիելյանի, Քրիստինե Պեպելյանի հետ համագործակցության մասին: 

Հայտնի վարսահարդարն արդեն տաս տարի է, ինչ աշխատում է այս բնագավառում, իսկ մասնագիտությունն ընտրելու պատճառը մեկն էր՝ սերն այդ աշխատանքի հանդեպ դեռ փոքր հասակից. «Ինձ համար կապ չունի, թե ով կլինի իմ հաճախորդը կամ ինչքան հայտնի նա կլինի: Ինքս պետք է ընտրեմ և ցանկություն ունենամ աշխատել տվյալ անձի հետ: Ինձ համար գումարն այնքան էլ կարևոր չէ, ինչքան որ տվյալ անձի հետ աշխատելու ցանկությունը: Իհարկե, եղել են նաև դեպքեր, երբ մերժել եմ համագործակցության առաջարկը»:

Կարենի խոսքով՝ իր գեղեցկության սրահում գները բավականին բարձր են, բայց ինչպես նա է նշում, եթե ցանկություն ունենա աշխատել որևէ մեկի հետ, իսկ վերջինս բավարար գումար չունենա, հաճույքով կաշխատի նաև անվճար: Խոսելով նորաձև սանրվածքների մասին՝ Կարենն ասաց. «Կան շատ նորաձև սարվածքներ, տարբեր նոր երանգներ, բայց ինձ համար նորաձև սանրվածքը կամ երանգը կախված է կոնկրետ անձի արտաքին տեսքից: Երբեմն հետևում եմ հայ աստղերին և կարող եմ ասել, որ առաջվա համեմատ կա շատ մեծ աճ, սակայն դեռ գրեթե բոլորի ոճերը կրկնվում են, մեկը մյուսին փորձում է կրկնօրինակել: Ցանկություն չունեմ ինչ-որ հայ աստղի փոխել: Հայ աստղերից ում հետ ցանկացել եմ, արդեն հասցրել եմ աշխատել, բայց կան ոմանք, ում փոխելն անիմաստ է: Հիմնական ոճային սխալը, որ արվում է, կրկնօրինակելն է միմյանց, իսկ ես կցանկանայի բոլորին տեսնել հենց իրենց ոճի մեջ»:

Կարենին խնդրեցինք նաև խոսել այն հայ հայտնիների մասին, ում հետ առիթ է ունեցել աշխատելու, ստորև ներկայացնում ենք նրա պատասխանները.

«Սիրուշո՝ մարդ, ում հետ կարող եմ անվերջ աշխատել: Կայացած արտիստ և հիանալի մարդ: Նրա դեպքում գնահատում եմ շատ կարևոր մի փաստ. նա շատ հայրենասեր է, երբ լինում է ԱՄՆ-ում, միշտ փորձում է աշխատել բոլոր հայ մասնագետների հետ, կլինի դա երաժիշտ, պարախումբ, թե վարսահարդար: Ի տարբերություն Սիրուշոյի՝ կան որոշ հայտնիներ, ովքեր, չգիտես ինչու, աշխատում են ամերիկյան ոլորտում և փորձում են այդ քայլով ինչ-որ բան ասել, որն անիմաստ է: Ահա թե ինչու շատ եմ գնահատում եմ Սիրուշոյին և հպարտ եմ նրանով:

Էմմի, ցանկանում եմ, որ միշտ երջանիկ լինես։

Լիլիթ Հովհաննիսյանն ունի օտարամոլ բնավորություն, երբ նա աշխատում է ինչ-որ կայացած կամ չկայացած օտարերկրացու հետ, չգիտես ինչու, միանգամից հրապարակում է դա, բայց երբ նա աշխատում է հայ մասնագետի հետ, բացարձակ չի նշում այդ մարդու անունը: Շատ ծիծաղելի է: Ճիշտ կլինի, որ ոչ թե նա նմանակի օտարներին, այլ ստեղծի իր ոճը և գնահատի մարդկանց կյանքում, որովհետև առանց այդ մարդկանց նա ոչ մի տեղ չէր լինի այսօր: Խոսքս հայ մասնագետների մասին է, գնահատի՛ր նրանց, Լիլիթ:

Արմինկան բոլոր ժամանակների ամենաճաշակով երգչուհին է, հիանալի անձնավորություն է և կարևորը՝ չափազանց ոճային:

Արփինե Գաբրիելյանը լավն է:

Անի Քրիստիի հետ աշխատել շատ եմ սիրում, նա հիանալի մարդ է:

Քրիստինե Պեպելյանի հետ կաշխատեմ ամեն օր և չեմ ձանձրանա: Նրա նման մարդիկ քիչ են այսօր, և որպես արտիստ էլ նա պրոֆեսիոնալ աշխատելաոճ ունի»:

Հայտնի վարսահարդարի հետ խոսեցինք նաև նոր գաղափարների և անելիքների մասին. «Կան նորություններ, որոնք հիմա չեմ կարող բացահայտել: Կան նոր արտիստներ, ում հետ արդեն սկսել եմ աշխատանքները, բայց դեռ անուններ նշել չեմ կարող: Հուսով եմ՝ կլինի նաև ամերիկյան նոր հեռուստանախագիծ»:

Նյութը՝ սկզբնաղբյուր կայքում







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.