Armlur.am-ը գրում է, որ շուտով աշուն է, իսկ նորաձևության սիրահարներն արդեն պատրաստվում են հրաժարվել ամառային լուքերից` դրանք փոխարինելով աշնանայիններով: Իսկ ո՞ր գույներն են այս աշնանը նորաձեւ, ի՞նչ կտորից, ի՞նչ չափի զգեստներ է խորհուրդ տրվում կրել աշնանային առօրյա լուքեր ընտրելիս. այս և այլ հարցերին պատասխանել է դիզայներ Դիանա Շատվերյանը:
Նրա խոսքով` այս աշնանը նորաձև են լինելու մոխրագույնի, կարմիրի, մուգ վարդագույնի երանգները, ինդիգո կապույտը եւ բոլոր վառ գույները, ինչպես նաև` սևի և սպիտակի համադրությունը: Այս աշնանը մոդայիկ է վանդակավոր պրինտը` անկախ չափից, մանրից մինչև խոշոր:
Աշնանային զգեստներ ընտրելիս կարելի է համադրել քաշմիրը` մետաքսի հետ, և, առհասարակ, ավելի ծանր կտորները` թեթևների հետ.
«Այս աշուն նորաձև է հագուստի oversize չափը. եթե նախորդ տարի այն «մասնակի» էր նորաձև, ապա այս տարի այն իրենց հավաքածուներում օգտագործել են գրեթե բոլոր հայտնի դիզայներները` վերնաշապիկից մինչև բաճկոնների հավաքածուներ ստեղծելիս»,- տեղեկացրեց դիզայները:
Առավել մանրամասն` սկզբնաղբյուր կայքում