Հայաստանում խաղողի նոր տեսակ է ստեղծվել, սակայն ոչ սովորական ճանապարհով: Հայտնի է, որ խաչասերումը բարդ գործընթաց է, որն իրականացվում է նույն տեսակի տարբեր սորտերի, ինչպես նաև տարբեր տեսակների միջև: Էռնա Էլիզբարյանի ընտանիքում, սակայն, դա տեղի է ունեցել շատ պատահական կերպով:
«Ինքնուրույն խաչասերում է տեղի ունեցել. խաղողի ողկույզները աճել են մագլցող թփերի վրա: Խաղողի այս նոր տեսակը մենք համտեսել ենք, և համային առումով այն չի տարբերվում խաղողի սովորական տեսակներից».-Asekose.am-ին ասաց հեռուստամեկնաբան Էռնա Էլիզբարյանը:
Հեռուստամեկնաբանը զրույցի ընթացքում նաև նշեց, որ խաղողի նոր տեսակի հայտնաբերումը տեղի է ունեցել իրենց փոքր այգում, որտեղ կան շատ պտղատու ծառեր և խաղողի թփեր: Էռնայի խոսքով` իրենց այգով հիմնականում զբաղվում է հայրը, ով, թոշակառու լինելով, օրվա մեծ մասն անցկացնում է հենց այնտեղ.
Հավելենք, որ խաղողի այս նոր տեսակը դեռևս չի «անվանակոչվել»:
Լուսանկարը` Էռնա Էլիզբարյանի անձնական արխիվից
Հեղինակ՝ Լիլիթ Նավասարդյան
