Արդեն ներկայացրել ենք Սոնա Շահգելդյանի նոր տեսահոլովակի անոնսը, ինչից հետո գրառում հայտնվեց այն մասին, որ Սոնա Շահգելդյանն իր նոր տեսահոլովակում նմանակում է Լիլիթ Հովհաննիսյանին:
Asekose.am-ը կապ հաստատեց Սոնայի հետ՝ այս թեմայով մեկնաբանություն ստանալու համար: Վերջինս ասաց, որ նույնիսկ ծանոթ չէ այդ կարծիքներին:
«Ես չգիտեմ, թե ով ինչ է գրել այդ մասին, բայց հստակ կարող եմ ասել. Լիլիթ Հովհաննիսյանին չեմ փորձել և չեմ ցանկանում նմանակել: Ուղղակի ծիծաղելի է, երբ աշխատանք ես կատարում, և մի խումբ պարապ մարդիկ սկսում են վերլուծել այն և ինչ-որ թերություններ ու նմանություններ գտնել: Ինչ վերաբերում է խոպոպներին, պետք է նշեմ, որ ես ունեմ տեսահոլովակներ, որտեղ նման սանրվածքով եմ: Ինչու չեն գրում այն մասին, որ ես առաջինը գլխաշոր կապեցի, ինչից հետո բոլորը սկսեցին կրկնօրինակել ինձ: Երգեցի «Հարսի շոր» երգս , որից հետո սկսեցին հարսանեկան թեմայով երգեր ստեղծել ու տեսահոլովակներ նկարահանել: Ես ոչ ոքից ոչինչ չեմ կրկնօրինակում»,-Asekose.am-ի հետ իր խոսքն ավարտեց երգչուհի Սոնա Շահգելդյանը:
Հեղինակ՝ Անահիտ Հարությունյան