Աշխարհահռչակ երգիչ Սերժ Թանկյանի կիթառը, որով նա նվագել է System of a Down-ի «Արթնացրեք հոգիները» (Wake Up the Souls) շրջագայության ընթացքում, աճուրդի էր հանվել, որից ստացված գումարը նախատեսվում է փոխանցել «Օրրան»-ի կենտրոնին:
Թանկյանի կիթառը վաճառվել է 27.000 դոլարով։ Այս մասին երաժիշտը գրել է իր միկրոբլոգում.
«Հիանալի նորություն։ Խմբի 4 անդամների ստորագրություններով կիթառը, որով ես նվագել եմ Wake Up The Souls համաշխարհային շրջագայության ժամանակ, աճուրդում վաճառվել է 27.000 դոլարով։ Գումարը տրամադրելու եմ «Օրրան» բարեգործական հիմնադրամին»։