Դերասան պրոդյուսեր Հայկ Մարությանն այցելել է սահմանամերձ գյուղեր և կազմակերպել «Սիրո Գործակից» ֆիլմի անվճար ցուցադրում։ Այս մասին դերասանը հայտնել է իր ֆեյսբուքյան էջում՝ գրելով հետևյալը.
«Երեկ այցելեցինք սահմանամերձ երկու գյուղեր` Բաղանիս և Ոսկեպար: Այնտեղ կազմակերպել էինք «Սիրո Գործակից» մեր նոր ֆիլմի անվճար ցուցադրումը: Հուսով եմ կարողացել ենք մի փոքր բարձրացնել երեխաների և մեծերի տրամադրությունը գիշերվա գնդակոծությունից հետո: Մարդիկ մեզ շնորհակալություն էին հայտնում, բայց իրականում այդ մենք ենք ՇՆՈՐՀԱԿԱԼ իրենց: Իրենք ԻՐԱԿԱՆ ՀԵՐՈՍՆԵՐ են, որոնք ապրում են նույն երկրում ինչ մենք, բայց պատերազմի ողջ ծանրությունը վերցրել են իրենց ուսերին: Խոնհարվում եմ»:
