ԱՄՆ-ում բնակվող սիրված երգչի համար բավականին հաջող տարի էր 2015 թվականը , իսկ թե ինչ ակնկալիքներ ունի գալիք տարում, պարզեցինք նրանից:
Անցյալ տարին ինձ պարգևեց բավականին շատ դրական հույզեր: Արտիստի համար անչափ կարևոր է զգալ հանդիսատեսի ջերմ վերաբերմունքը , երկրպագուների երբեմն խենթության հասնող պահվածքը: Մարտի 22-ին ԱՄՆ -ում կայացավ մենահամերգ , որին պատրաստվել էինք մեծ պատասխանատվությամբ: Ինձ համար նշանակելի իրադարձություն էր մենահամերգի տեսասկավառակի թողարկումը , որից հետո եկա Երևան : Մի հզոր ուժ ինձ միշտ բերում է Երևան :
2016 թվականին մարզահամերգային համալիրում տեղի կունենա մենահամերգ , այն շատ սպասված է իմ կողմից ու հավատում եմ , որ հանդիսատեսի հետ հանդիպումը անմոռաց հուշեր կթողնի : Ամանորի ինչ բարեմաղթանք ունես : Առաջնահերթ խաղաղություն:
Հայաստանի սահմանները պաշտպանող ամեն մի զինվոր թող առողջ հետ վերադառնա իր ընտանիք: Սեր , ժպիտ ու թող երազանքները դառնան նպատակ , որոնց իրականացումը երջանկություն կբերի:
Լ.Արշակյան
