Life.panoarama.am-ը գրում է.
Դերասան Լեւս Դավթյանին երկարատեւ հեռուստատեսային դադարից հետո շատ շուտով կրկին էկրաններին կտեսնենք:
«Շատ շուտով Հարութ Շատյանի ռեժիսորությամբ 20 մասանոց ֆիլմում պետք է նկարահանվեմ, որը կհեռարձակվի «Արմենիա TV»-ով: Դեռեւս փակագծեր բաց անել չեմ կարող, բայց կնշեմ, որ այս անգամ հեռուստադիտողը ինձ կտեսնի բոլորովին այլ կողմից. ներկայանալու եմ նոր կերպարով, այսինքն՝ լինելու է նոր շունչ ու նոր ասելիք»,- նշեց նա:
Բացի ֆիլմից, Լեւս Դավթյանը շուտով նոր ներկայացմամբ կներկայանա. «Շատ շուտով ձեռնամուխ կլինենք նոր ներկայացման՝ Մարգարիտա Գրիգորյանի «Կայարան» պիեսի հիման վրա, որի ռեժիսորն է Սամսոն Մովսիսյանը: Այս ժանրում մենք կրկին աշխատել ենք՝ լինելու է հոգեբանական դրամմա: Ինձ շատ հաշելի է այս ժանրում աշխատել՝ կարողանում ես ինքնաարտահայտվել եւ միաժամանակ շատ բան սովորել: Պիեսը ընտանիքի մասին է, հերոսներին կմարմնավորենք ես, Անի Ղազարյանը, Սամսոն Ստեփանյանը, Սոնա Մաթեւոսյանը եւ Արսեն Չաչոյանը»:
Ի դեպ, Լեւս Դավթյանի անձնական կյանքում վերջին շրջանում դրական փոփոխություններ են գրանցվել.
«Իմ կյանքում արդեն կա մեկն, ում նվիրել եմ սիրտս, նա ապրում է Փարիզում, բայց աշխարհագրական դիրքի պատճառով մեր միջեւ ընկած հեռավորությունը չի խանգարում զգացմունքների խորացմանը: Դեռեւս չգիտեմ, թե մեր շարունակությունը, որ երկրում կլինի, բայց հույսով եմ՝ այդ շարունակությունը կլինի»,- նշեց դերասանը:
Առավել մանրամասն` սկզբնաղբյուր կայքում
