Համացանցում լուրեր են տարածվել այն մասին, որ երգիչ Արման Հովհաննիսյանն առողջական խնդիրներ ունի, որի պատճառով երկար ժամանակ է ինչ բացակայում է Հայաստանից: Asekose.am-ը լուրը ճշտելու համար կապ հաստատեց Արմանի PR մենեջեր Լուսինե Արշակյանի հետ.

«Ես նույնիսկ զարմացա, որ լսեցի այդ լուրը: Փառք Աստծո նման բան չկա, Արմանը շատ առողջ է: Այդ լուրերը տարածվել են, քանի որ վերջինս բավականին նիհարել է: Դա պայմանավորված է նրանով, որ Արմանը զբաղվում է առողջ ապրելակերպով՝ հանդիսատեսին ավելի ներկայանալի երևալու համար: Շնորհակալ եմ այն բոլոր մարդկանց, ովքեր անհանգստանում են Արմանի առողջական վիճակով»:

Մեր այն նկատառմանը, թե այս դեպքում որն է երգչի երկարատև բացակայության պատճառը Լուսինեն ասաց, որ բացակայությունը երկարատև չէ: Պարզապես դեկտեմբեր ամսվա վերջին նա ընտանիքի հետ մեկնել է ԱՄՆ՝ տոներն ու ձմեռային հանգիստն անցկացնելու համար: Փետրվարի սկզբին նրանք կվերադառնան, որից հետո Արմանը կվերադառնա աշխատանքային խիտ գրաֆիկին. 2016 թվականը լինելու է բուռն աշխատանքային տարի,-Asekose.am-ի հետ զրույցում իր խոսքը եզրափակեց երգիչ Արման Հովհաննիսյանի PR մենեջեր Լուսինե Արշակյանը:

Հեղինակ՝ Անահիտ Հարությունյան