Գերմանական Moderncultureoftomorrow.com կայքն անդրադարձել է Հայաստանը «Եվրատեսիլ 2016»-ում ներկայացնող Իվետա Մուկուչյանի «LoveWave» երգին: Կայքը մասնավորապես գրել է հետևյալը.
«Եթե արդեն տրամադրվել եք, որ օրն անցկացնելու եք վատ միջավայրում եւ ցածր տրամադրությամբ, ապա ոչինչ և ոչ մեկը չի կարող օգնել ձեզ։ Սակայն եթե օրվա ընթացքում հաճելի անակնկալներ եք սպասում, ուրեմն թող Իվետայի երգի հնչյունները պարարտ հող դառնան՝ երկուշաբթի դրական լիցքերով պարուրվելու համար։ Թող որ դրա շնորհիվ ձեր օրը լինի պայծառ, լուսավոր եւ երջանիկ»:
Հավելենք, որ կայքը նաև հաջողությունն է մաղթել Իվետային` նշելով, որ երգչուհին ցնցել է իրենց.
«Թող, ելույթդ անթերի լինի։ Դու սիրո ալիքի պես արդեն ցնցել ես մեզ, հիմա ժամանակն է, որ ցնցես ամբողջ աշխարհը»:
