>Կուբացի երգիչ Ռոբերտո Կել Տորեսը ներկայացնում է իր նոր «Հայաստան» երգը՝ նվիրված Հայաստանի առաջին հանրապետության տոնին:
Երգի բառերի և երաժշտության հեղինակը հենց ինքը՝ Ռոբերտոն է, ով ներշնչվել է Հայաստանի շքեղ բնապատկերներով, մարդկանց կամեցող բնավորությամբ և երջանկություն առաջացնող յուրահատուկ էներգիայով:
Տեսահոլովակը պատմում է Ռոբերտոյի՝ Դսեղ այցի մասին, ուր նա գալիս է իբրև լուսանկարիչ՝ հիացած Հայաստանի ավանդույթներով: Այստեղ հանդիպում է անմիջական հովիվների, մասնակցում ավանդական հարսանիքի, վայելում հայկական գունեղ բնությունը և հանդիպում գեղեցիկ մի աղջկա՝ ում սիրահարվում է անմոռա՜ց:
Ի դեպ՝ տեսահոլովակի հերոսները հենց Դսեղի բնակիչներն են, ովքեր սիրահոժար մասնակցել են նկարահանումներին: Այս տաքուկ ֆիլմի ստեղծման գործում, իրենց ներդրումն են ունեցել նաև Դսեղի գյուղապետ Նորիկ Քոչարյանը, ինչպես նաև Դսեղի գրեթե բոլոր բնակիչները, ովքեր այդ ամենին վերաբերվում էին իբրև անմոռաց տոնի:
ռեժիսոր՝ Արամայիս Հայրապետյան
օպերատոր՝ Սուրեն Թադևոսյան
դուդուկի մենակատար՝ Գևորգ Դաբաղյան
ջութակահար՝ Էդգար Հակոբյան
կիթառահար՝ Ալեքսեյ Վագներ
հնչյունային ձևավորող՝ Ալեքսանդր Ռիվերո Տրիմինո
երգի post-production` Քրեյք Լիս
տեսահոլովակի post-production՝ Կարեն Մելքումյան
գլխավոր պրոդյուսեր՝ Ռոբերտո Կել Տորես