Համացանցում շարունակում են ակտիվորեն քննարկել երգչուհի Հռիփսիմե Հակոբյանի նոր` «Իմ սիրտը լիքնա» տեսահոլովակը: Շատերի կարծիքով երգչուհին իր տեսահոլովակում փորձել է նմանվել մի դեպքում Գաբի Գալոյանի`«Դավաճան ես» տեսահոլովակի կերպարին, մյուս դեմքում` Լիլիթ Հովհաննիսյանին:
Asekose.am-ը այս առիթով մեկնաբանություն ստացավ հենց երգչուհուց:
Վերջինս մեզ հետ զրույցում խոստովանեց, որ Գաբիի տեսահոլովակը նույնիսկ չի տեսել:
«Անկեղծ ասած`չեմ տեսել Գաբիի տեսահոլովակը, հետևաբար չէի կարող նմանվել: Իսկ ինչ վերաբերում է Լիլիթին,ապա ասեմ, որ իմ կարծիքով՝ որևէ նմանություն չկա իմ և նրա կերպարների միջև»:
Երգչուհին ավելացրեց նաև, որ ունի իր ուրույն ոճը և որևէ մեկին նմանակելու կարիք չունի:
«Չեմ կարծում, որ ես այն երգչուհին եմ, ով կարիք ունի նմանվեու այս կամ այն երգչուհուն: Ես ունեմ իմ ուրույն ոճն ու ներկայանալու յուրովի ձևը»:
Խոսելով քննադատությունների մասին՝ Հռիփսիմեն ուրախությամբ նշեց, որ միայն լավ աշխատանքն է, որ արժանանում է քննադատության:
«Յուրաքանչյուր նորովի ներկայացված աշխատանք դառնում է քննադատություների ու քննարկումների թեմա: Այս դեպքում, ուրախ եմ, որ տեսահոլովակս չվրիպեց որևէ մեկի աչքից»:
Հավելենք նաև, որ երգչուհի Գաբին այս թեմայով ևս մեկնաբանություն տվել է`նշելով, որ ինքը ևս չի տեսել Հռիփսիմեի տեսահոլովակը, հետևաբար՝ չի կարող ոչինչ ասել:
Ա.Հարությունյան
