Դիտեք նաև՝
Asekose.am-ի այսօրվա զրուցակիցը դերասանուհի Նաիրա Մովսիսյանն է, ով պատմել է կես տարեկան դստեր և նախկին ամուսնու շփում չունենալու, աշխատանքային առաջարկներ չունենալու և ապագայում իր կողքին ուժեղ տղամարդ լինելու հավանականության մասին:
Աղջիկս ինձ տվեց պատասխանատվություն…
Մարիայի ծնվելուց հետո պատասխանատվությունս ավելացավ: Հասկացա, որ կա մեկն, ով ինձ համար առաջնային է: Մինչ այդ աշխատանքից բացի ուրիշ ոչնչի հանդեպ պատասխանատվություն չեմ զգացել:
Մայրիկս ու ընկերուհիս շատ են օգնում…
6 ամիս է, ինչ Մարիան կա իմ կյանքում: Նրա խնամքով հիմնականում զբաղվում եմ ես, չնայած ինձ շատ են օգնում մայրիկս և ընկերուհիս: Այնուամենայնիվ, կարծում եմ, որ երեխայի համար կարևոր է, որ կողքին լինի հենց իր մայրը, ջերմությունն ու սերը ստանա հենց իր մորից:
Չեմ փորձում Մարիայի համար լինել հայր…
Դստերս մեծացնում եմ ես ու չեմ փորձում նրա համար լինել հայր: Երեխայի հոգում, միևնույն է, լինում է այդ բացը, ինչը կյանքում ոչ մեկը չի կարող լրացնել: Այդ պատճառով ես Մարիային կարող եմ տալ միայն մայրական ջերմություն:
Շանսը տրվեց, սակայն սխալ օգտագործվեց…
Երեխայիս հոր հետ շփման մասին չէի ցանկանա խոսել և չեմ ցանականա, որ որևէ մեկն այլևս այս մասին խոսի ու քննարկի, միայն մեկ բան կասեմ` շփման համար շանսը տրվեց, սակայն սխալ օգտագործվեց: Ավելի լավ է երեխան մեծանա առողջ մարդկանց հետ, առողջ մթնոլորտում, քան… Այլևս չենք անդրադառնում այս թեմային:
Հնարավոր է`մեկ օր կողքիս լինի ամուր տղամարդ…
Երբևէ չեմ ընտրել տղամարդու, որպեսզի հոգսերս կրճատվեն: Ինձ համար տղամարդու կարևորությունն այն է, որ ամուր տղամարդու ներկայությունից ավելի հանգիստ ես, երջանիկ ու ավելի լիարժեք:Հնարավոր է , որ մի օր իմ կողքին լինի այդ ամուր տղամարդը, քանի որ յուրաքանչյուր կնոջ պետք է թիկունք, մեկը, ում հետ կարող է լռել պարզապես:
Աշխատանք չունեմ, առաջարկներ չկան…
Այս պահին աշխատանքի առաջարկ չունեմ: Երբևէ դուստրս չի խանգարել, որպեսզի զբաղվեմ իմ աշխատանքով: Պարզապես այս պահին, կարծես թե, առաջարկներ չկան,իսկ լինելու դեպքում սիրով կաշխատեմ: Կլինեմ այնտեղ, որտեղ ինձ կտեսնեն ու որտեղ ես ինքս ինձ կտեսնոմ: Կցանկանամ նկարահանվել ֆիլմերում, հեռուստատեսային սերիալներում, բայց ամենից շատ` կցանկանամ լինել բեմում: Ուզում եմ այս անգամ կերտել ուժող կնոջ կերպար, այնպիսի կերպար, որը կկարողանա ուսուցողական դասեր տալ նաև մեր երկրի համար և ինչու չէ նաև ինչ որ բան փոխել ու ճշմարտությունը հանել ջրի երես:
Մարիային ուզում եմ տեսնել միայն արվեստի մեջ…
Երբ որ ծնվեց դուստրս, ասացին, որ պորտի պոկվելուց հետո այն պետք է գցել այնտեղ, որտեղ ծնողը կցանկանա տեսնել երեխային ապագայում: Ես այն գցեցի արվեստի ստուդիաներից մեկի այգում: Չեմ պատկերացնում նրան մեկ ուրիշ տեղ, ուզում եմ, որ դուստրս անպայման լինի արվեստի մեջ:
Ա. Հարությունյան
Կարդացեք նաև՝ Նախկին ամուսինս խոստովանել է, որ սկզբում ցանկանում էր PR-վել իմ շնորհիվ. Նաիրա Մովսիսյան