Այսօր աշխարհում նշում են Հելոուինի տոնը, որն ի հայտ է եկել Իռլանդիայի և Շոտլանդիայի կելտերի հին ավանդույթներից, որի պատմությունը սկսվել է Մեծ Բրիտանիայի և Հյուսիսային Իռլանդիայի տարածաշրջանում։ Տոնում են հոկտեմբերի 31-ին, բոլոր սրբերի օրվա նախօրեին։ 20-րդ դարի վերջում Հելոուինը սկսել են տոնել նաև ոչ անգլիախոս եվրոպական և ԱՊՀ այլ երկրներում։
Հելոուինի հանդերձանքների հիմնական թեման տարբեր չար ոգիներն են և գերբնական կերպարները, սակայն Հելոուինին կարելի է տեսնել ոչ միայն վամպիրների, մարդագայլերի կամ վհուկների, այլև փերիների, թագուհիների, փոփ մշակույթի գործիչների և նույնիսկ սեքսուալ թեմայի դերակատարությամբ հանդերձանքներ: Ավելացնենք նաև, որ Հելոուինի ժամանակ ընդունված արարք է նաև քաղցրավենիք խնդրելը: Դա անում են երեխաները, ովքեր այցելում են տնից տուն, որպես հյուրասիրություն խնդրում են կոնֆետներ։
Ձեզ ենք ներկայացնում այսօր իրենց սոցիալական էջերում տեղադրած Հոլոուինի հանդերձանքով համաշխարհային հայտնիների լուսանկարները:
