Էջմիածնի փողոցներից մեկն անվանակոչվելու է հայտնի երգիչ Արամ Ասատրյանի անունով: Համապատասխան որոշումն ընդունվել է այսօր Էջմիածնի համայնքային նորընտիր ավագանու անդրանիկ նիստին: Որոշվել է, որ Էջմիածին քաղաքի Իսակով փողոցի մի  հատվածը, ուր ապրել է երգիչ, գուսան Արամ Ասատրյանը, այսուհետ կկրի հենց նրա անունը: Որոշումն ուժի մեջ կմտնի նոյեմբերի 6-ից, քանի որ հենց այդ օրը լրանում է Արամ Ասատրյանի  մահվան տասը տարին: