Life.panorama.am-ը գրում է. Մոսկվաբնակ հաղորդավարուհի Անի Դաշյանի ընտանիքում այս Ամանորը առանձահատուկ նշանակություն ունի, քանի որ որդու` փոքրիկ Ռոբերտի, առաջին Ամանորն է.
«Մեր ընտանիքի նախատոնական անցուդարձը, ինչպես ամեն տարի, սկսվում է նվերներ գնելով: Ասեմ, որ մեզ մոտ արդեն սկսվել է այդ հաճելի օրերը, շուտով կզարդարենք տոնական եղեւնին: Մեզ համար կրկնակի տոն է, քանի որ առաջին անգամն ենք մեր բալիկի հետ նշելու Ամանորը»,- ժպիտով պատմել է Անին:
Հաղորդավարուհին նկատել է, որ ամեն տարի Ձմեռ պապին նամակ է գրում ու հայտնում իր ցանկությունները.
«Ամեն տարի Ձմեռ պապին նամակ եմ գրում ու այս տարին էլ բացառություն չէ, միայն թե այս տարի երկու նամակ եմ գրելու` իմ ու Ռոբերտի փոխարեն: Իսկ ցանկությունների մասին դեռ չեմ բարձրաձայնի, որպեսզի իրականանան»,- նշել է նա:
Անի Դաշյանը հավատում է Ամանորի կախարդական գիշերվա երազանքներին.
«Միշտ Նոր տարվա գիշերը ուղիղ կեսգիշերին, զանգերը խփելուն պես երազանք եմ պահում. Կախարդական գիշերը պետք է հավատալ հրաշքների, երազանք պահել ու հավատալ դրա իրականացմանը: Ի դեպ` ուզում եմ, որպեսզի բոլորի երազանքները մի հրաշքով իրականություն դառնան»,- հավելել է նա:
Առավել մանրամասն՝ սկզբնաղբյուր կայքում