Tert.am-ը գրում է. Երեկ համացանցն ակտիվ քննարկում էր «Գուշակիր մեղեդին» հաղորդման հերթական թողարկումը, որին մասնակցում էին Գևորգ Մարտիրոսյանը, Մարինկա Խաչատրյանը և Գարիկ Սեփխանյանը: Այս եռյակը դժվարությամբ էր գուշակում երգերը, Մարինկան հասավ «Սուպեր խաղ», Ավետն էլ կատակեց, որ այսպիսի արդյունքի պատճառով ինքը կկախվի:
Այս խաղը լայն տարածում գտավ համացանցում, շատերը համարում են, որ Մարինկան խայտառակել է իրեն: Կայքն այս թեմայով զրուցել է սերիալային դերասանուհու հետ:
«Շատ ուրախ եմ, որ կարողացա ժպիտներ պարգևել իմ շատ սիրելի հեռուստադիտողներին: Չեմ ուզում ինձ գովել, բայց երևի որոշ չափով կարողացա ապահովել հաղորդման դիտելիության քանակը: Սա ընդամենը շոու է, որին մասնակցեցի շատ անկեղծ, ինչու ոչ, նաև հաղթեցի: Կարծում եմ՝ մասնակցությունը պետք է լինի նաև հետաքրքիր, ոչ ստանդարտ ոճում: Ինձ համար նաև այս առումով էր հետաքրքիր մասնակցելը,- ասել է նա ու հավելել,- մաղթում եմ, որ հանդիսատեսը միշտ ժպտա և լինի դրական»:
Առավել մանրամասն՝ սկզբնաղբյուր կայքում
