Ադրբեջանցի հակերները շարունակում են օգտագործել երգիչ Էրիկ Կարապետյանի Instagram-ի էջը` այնտեղ տարածելով իրենց երկրի հետ կապված լուսանկարներ եւ այլ գրառումներ:
«Իմ սիրելի հայրենակիցներ... Արդեն 2 օր է, ինչ ադրբեջանական հաքերները կոտրել են Instagram-ի իմ պաշտոնական էջը: Մենք ամեն ինչ անում ենք, որ վերականգնենք այն: Այս ընթացքում իմ կողմից որեւէ այլ էջ չի բացվել: Խնդրում եմ չպատասխանել «իմ կողմից» ուղարկված որեւէ նամակի: ԽՆԴՐՈՒՄ ԵՄ ժամանակավոր մի հետեւեք իմ էջին, մի նայեք ուղիղ եթերները եւ մի «լայքեք» նրանց տեղադրած ադրբեջանական նկարները: Շնորհակալ եմ, որ այս օրերին համախմբված իմ կողքին եք: Սա միայն իմ հարցը չէ, այլ մեր ազգի: Այսօր պատերազմը շարունակվում է անգամ ինֆորմացիոն դաշտում ու ինչպես տարիներ շարունակ ենք հաղթել, այս հարցում նույնպես մենք հաղթանակ ենք տանելու: Կեցցե Արցախը, կեցցեն մեր Հերոսները, կեցցե ՀԱՅԱՍՏԱՆԸ»,-գրել է երգիչը:
Հիշեցնենք, որ Asekose.am-ի հետ զրույցի ընթացքում Էրկը ասել էր. «Պատերազմը երկու հարթակով է ընթանում՝ սահմանային և տեղեկատվական: Եթե մենք հաղթող ենք դարձել առաջինում, ուրեմն կհաղթենք նաև երկրորդում»:
Հիշեցնենք, որ երեկ ադրբեջանցի հաքերները կոտրել են նաեւ դերասան Ռաֆայել Երանոսյանի Instagram-ի էջը:
