▲ Դեպի վեր

lang.iso lang.iso lang.iso

Մենք ցեղասպանության արդյունքում զոհվածների ժառանգներն ենք և չպետք է մոռանանք դա. Գարիկ Մարտիրոսյանի կնոջ հուզիչ գրառումը

Ռուսաստանում հայտնի շոումեն Գարիկ Մարտիրոսյանի կինը՝ Ժաննա Լևինան, Instagram-ում լուսանկար է տեղադրել  և գրառում  կատարել՝  նվիրված Հայոց Ցեղասպանության 102-րդ տարելիցին.

«Ավելի քան 100 տարի է անցել Օսմանյան Թուրքիայում հայերի ցեղասպանությունից։  Այսօր Հայոց Ցեղասպանության եւ Հոլոքոստի զոհերի հիշատակի օրն է։  «Ցեղասպանություն» եզրույթը ժամանակին առաջ է քաշել Ռաֆայել Լեմկինը՝ նկարագրելու համար Օսմանյան Թուրքիայում հայերի եւ նացիստական Գերմանիայի կողմից զավթված տարածքներում հրեաների զանգվածային կոտորածը։ Հայոց Ցեղասպանությունը Հոլոքոստից հետո աշխարհում ուսումնասիրված երկրորդ երեւույթն է։

1915 թվականի մայիսի 24-ին Մեծ Բրիտանիան, Ֆրանսիան եւ Ռուսատանը համատեղ հուշագրով հայերի զանգվածային կոտորածն առաջին անգամ ճանաչեցին որպես  մարդկության դեմ հանցագործություն։

Մենք ցեղասպանության արդյունքում զոհվածների ժառանգներն ենք եւ չպետք է մոռանանք այդ մասին։ Մենք պետք է խոսենք եւ պատմենք ցեղասպանության մասին բոլորին, որպեսզի ապագայում չդառնանք նախնիները այն մարդկանց, ովքեր կտուժեն ցեղասպանության արդյունքում։ Իսրայել, Հայաստան... ամբողջ հոգով եւ սրտով ես ձեզ հետ եմ»,- գրել է Ժաննան՝ հավելելով  #армения, #израиль#турция # фашизм #геноцидармян#геноцидевреев #горе #смерть#любовь #вера #надежда #история#память հեշթեգները։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին