Դերասան Հովհաննես Ազոյանը ֆեյսբուքյան իր էջում հետևյալ գրառումն է կատարել. «Դե ինչ...սպասենք նոր Սասնա Ծռերի»:
Նշենք, որ դերասանն այս գրառումը կատարել է Երևանի ավագանու ընտրությունների նախնական արդյունքները հայտարարելուց հետո, որտեղ Տարոն Մարգարյանը զգալի առավելությամբ հաղթել են Նիկոլ Փաշինյանին և Զարուհի Փոստանջյանին:
Հիշեցնենք, որ մայիսի 14-ին հրավիրած մամուլի ասուլիսում Զարուհի Փոստանջյանը հայտարարել է, որ ստեղծում է ազգային դիմադրության շարժում:
Փոստանջյանն ընթերցել է իրենց ազգային դիմադրության բանաձևը՝ ուղղված ժողովրդին, ըստ որի՝ առկա քաղաքական ճգնաժամը հաղթահարելու համար անհրաժեշտ է սոցիալական շերտերի լայն ներգրավմամբ ստեղծել ազգային դիմադրության շարժում, որի խնդիրն է՝ ապօրինի գործող իշխանության տապալումը, քաղաքական մենաշնորհի տապալումը, օրինական իշխանության հաստատումը, որի հիմքում դրված են հակակշռող մեխանիզմներ։
Փոստանջյանը հրապարակել է նաև իրենց քաղաքական պլատֆորմի մյուս դրույթները և նշել, որ իշխանության կյանքը վերածվելու է դժոխքի:
