Օրեր առաջ համացանցում հայտնվեց տեսանյութ, որում Ելենա Եսենինա անուն-ազգանունով մի ռուս կին Աշոտ անունով հայ տղամարդուն երգ է նվիրել: Երգը բավական մեծ տարածում գտավ և հիթ դարձավ Ռուսաստանում: Русарминфо-ին տված հարցազրույցի ժամանակ Ելենան պատմել է նոր հիթի ստեղծման պատմությունը: Այն բանից հետո, երբ երգը հայտնվեց համացանցում, մարդկանց սկսեց հետաքրքրել միայն 2 հարց` ո՞վ է Աշոտը, և ի՞նչ կապ ունի ռու երգչուհին Հայաստանի հետ:
Երգչուհու խոսքով`Աշոտն իրական մարդ է, ով դեռևս չի կռահում, որ երգն իր մասին է:
«Ապրիլի 20-ին Ռյազանում տեղի ունեցավ իմ մենահամերգը: Դրա ավարտից հետո ես ֆեյսբուքում ուղիղ եթեր մտա, և իմ հետևորդներից մեկը` Աշոտ անունով, ինձ ինչ –որ հարց տվեց, որին ես պատասխանեցի` « Ну шо, Ашот» արտահայտությամբ: Հետո արդեն հասկացա, որ այդ արտահայտությունը կարող է նոր երգի ստեղծման հիմք դառնալ: Այդ ամենի արդյունքում ծնվեց Աշոտի մասին երգը»:
Հատկանշականն այն է, որ Աշոտը ակտիվորեն մեկնաբանություններ է գրում երգի մասին, սակայն չգիտի, որ երգն իրականում հենց իր մասին է:
«Ես դեռ չեմ պատրաստվում նրան այդ մասին ասել, բայց կարծում եմ` հետագայում կանեմ դա: Ինձ Աշոտ անունով այնքնա մարդ է գրել, որ ես զարմացած եմ: Չէի կարծում, որ այդ անունն այդքան տարածված է: Ես, առհասարակ, երգի նման հաջողությամբ եմ ապշած»,- պատմել է երգչուհին:
Վերջինս պատրաստվում է այցելել Հայաստան.
«Ես երբեք չեմ եղել Հայաստանում: Սևանի ափին ինչ-որ ժամանակ եղել են իմ ծնողները: Բայց հիմա ես պարտավոր եմ այցելել Հայաստան` այդ հրաշք երկիրը, որտեղ Աշոտ անունով բազմաթիվ տղամարդիկ կան»: