▲ Դեպի վեր

lang.iso lang.iso lang.iso

Անատի Սաքանյանի ամուսինն առաջին անգամ հաստատում է՝ իրենք ամուսնալուծվել են

Դիտեք նաև՝

Դերասանուհի Անատի Սաքանյանը մեկ ամիս առաջ է Մոսկվայից վերադարձել Երևան: Ինչպես ինքն է նշել՝ այցի նպատակը ծնողներին տեսակցելն է: Երկրպագուների աչքից չէր վրիպել այն փաստը, որ դերասանուհին բացել է նոր ինստագրամյան էջ, որտեղ բացառապես իր լուսանկարներն են, և ի տարբերություն նախկին էջի՝ այստեղ չկան Անատիի ամուսնու լուսանկարները:

Սա, թերևս, ասեկոսեների տեղիք էր տվել: Մարդկանց կարծիքով՝ Էդգար-Անատի զույգի՝ 6 ամիս տևած ամուսնությունը, կարծես, փլուզվել է:

Asekose.am-ի հետ զրույցում  դերասանուհի Անատի Սաքանյանը հետևյալ  կերպ արձագանքեց ասեկոսեներին ու հանրային կարծիքներին.

«Չեմ ցանկանում կոպիտ ձևով պատասխանել, դրա համար, երևի թե, չպատասխանեմ հարցին: Իմ անձնական կյանքը հասարակության քննարկման թեման չէ, եթե սա իմ անձնականն է, ապա շատ բաներ պետք է մնան իմ ներսում: Իսկ թե ինչ է խոսվում ու քննարկվում, դա ինձ բացարձակապես չի հետաքրքրում»:

Հատկանշականն այն է, որ ի տարբերություն Անատիի՝ Էդգարը չի թաքցնում իրենց բաժանումը: Նա պարբերաբար ուղիղ միացումներ է ունենում Instagram-ի իր էջի միջոցով, որի ժամանակ հարցերի մեծ մասն Անատիի մասին են: Էդգարի խոսքով՝ ինքը երջանկություն է մաղթում Անատիին, սակայն տեսակով շատ շուտ հիասթափվող մարդ է: Վերջինս ուղիղ միացման ընթացքում մի քանի անգամ հաստատեց իրենց ամուսնալուծությունը:

Մեզ մնում է փաստել, որ Անատի-Էդգար զույգի ամուսնությունը, թերևս, ամենակարճատևներից էր հայկական շոու բիզնեսում:

Հեղինակ՝ Ա.Մաթևոսյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին