ՀՀ սպորտի և երիտասարդության հարցերի նախարարության ամենշաբաթյա անվճար մարզումներին երեկ ներկա են գտնվել նաև օլիմպիական խաղերի ու աշխարհի չեմպիոն, ըմբիշ Արթուր Ալեքսանյանը և 2017 թվականի «Միսս Հայաստան» Լիլի Սարգսյանը:
Մարզումներն, ինչպես միշտ, անցկացվել են Կ. Դեմիրճյանի անվան մարզահամերգային համալիրին կից տարածքում:
2016 թվականի հոկտեմբերից ՀՀ սպորտի և երիտասարդության հարցերի նախարարությունն անցկացնում է «Կյանքը՝ սպորտի ռիթմով» անվճար առավոտյան մասսայական մարզումներ:
Ծրագիրը նախատեսված է տարիքային բոլոր խմբերի ներկայացուցիչների համար՝ անկախ նրանց մարզումային փորձից և մարզական վիճակից:
Ըստ ՀԱՕԿ-ի պաշտոնական կայքի, Արթուր Ալեքսանյանը կողքից է հետևել մարզումներին, քանի որ ոչ սպորտային հագուստով է եղել, միայն հասցրել է լուսանկարվել երկրպագուների հետ: