▲ Դեպի վեր

lang.iso lang.iso lang.iso

Միայն Սոֆիի մասին չէ, այլ բոլոր ջահելների, ովքեր իրավունք են վերապահում անդաստիարակ ձևով պահել իրենց.Նաիրա Մովսիսյան

Դիտեք նաև՝

​​​​​​​

«Ինձ վրդովվեցրել է այդ եթերը: Երբևէ նմանատիպ չորություն չեմ նկատել կամ, միգուցե, աչքիցս է վրիպել: Ինձ վրդովվեցրեց հատկապես այն հանգամանքը, որը մարդիկ սերնդային տարբերությունը չեն գիտակցում: Դա նրանից է, որ բոլոր սերունդներն իրար հետ հասանելի կապի մեջ են: Ինձ համար, վստահ եմ նաև արվեստի մեջ եղող իմ տարիքակիցների համար դա տարօրինակ է: Շատ են լինում դեպքեր, երբ մենք` երիտասարդներս, նայում ենք մեզանից մեծի ներկայացումը, իհարկե, ներսում ունենում ենք մեր կարծիքը, բայց երբեք մեզ թույլ չենք տալիս նրա ներկայությամբ նմանատիպ կոպիտ կարծիք հայտնել` «քաշվելով» նրանից»,- Asekose.am-ի հետ զրույցում նշեց դերասանուհի Նաիրա Մովսիսյանը` անդրադառնալով ֆեյսբուքյան իր գրառմանը, որում նա մասնավորապես նշել էր. «Ավելի քան համոզվեցի, որ չի կարելի նայել «Հայաստանի ձայնը» նախագիծը։ Աբսուրդ։ Երեկվա անկապ տեղից ծնվածները հազար տարվա բարձունքներում կանգնածներին կարողանում են բան ասել։ Հ.Գ.Բախտի, փողի, պատահականությամբ դարձածը դեռ չի համարվում արտիստ»։

Նշենք, որ շատերը Նաիրա Մովսիսյանի գրառումից ենթադրել են, որ խոսքը երգչուհի Սոֆի Մխեյանի մասին է, քանի որ նախագծի վերջին թողարկման ժամանակ Նունե Եսայանի թիմի մասնակիցների մասին խոսելիս նշել Սոֆին էր. «Ոչ մի էմոցիա չստացա: Տպավորություն էր, որ չէիք հասկանում՝ ինչ երգ եք երգում և ինչի համար եք երգում»:

«Խոսքն այստեղ միայն Սոֆիի մասին չէ, այն այն բոլոր ջահելների, ովքեր իրավունք են վերապահում անդաստիարակ ձևով պահել իրենց: Մեծերի հետ նստելը դեռ առիթ չի տալիս նման կարծիք հայտնելու այն դեպքում, երբ Հայաստանից բացի, ամբողջ Սփյուռքն է նայում: Եթե ժյուրիի կազմից ընտրեմ 3-ին, ուրեմն Նունեին պետք է հանեմ, որովհետև ծիծաղելի է, ի՞նչ գործ ունի Նունեն դրանց հետ, նրանց հետ, ովքեր երեկ են սկսել ստեղծագործել: Ինձ համար կարևոր է մարդու կենսագրությունը և ստեղծագործական ընթացքը: Մեկնաբանությունները կարդալով` հասկանում եմ, որ մենակ չեմ, որ, երևի թե, առիթ էր պետք մարդկանց, որ կարողանան արտայհայտել իրենց կարծիքը: Ես խոսում եմ զուտ տակտից, ներքին կուլտուրայից, որ վերացել է մարդկության միջից: Մեծերի հետ նստելը դեռ առիթ չի տալիս նման կարծիք հայտնել այն դեպքում, երբ Հայաստանից բացի, ամբողջ Սփյուռքն է նայում»,- պարզաբանեց Նաիրան:

Վերջինիս խոսքով` ինքը որևէ մեկի հետ անձնական խնդիրներ չունի, սակայն թեմային անդրադառնալ չէր կարող.

«Ես Սոֆիի հետ նորմալ հարաբերություններ ունեմ: Ես ոչ մեկին ոչ դեմ եմ, ոչ կողմ: Ջահել սերունդն այնքան է առիթավորված, որ նման ձև է իրեն պահում, այսինքն` մենք էթիկական նորմերը մի կողմ ենք թողել: Դրա համար հիմա հասկանում եմ, թե ինչու երեխան կարող է «մունաթ» գալ ծնողի վրա, նույնիսկ` ձեռք բարձրացնել»:

Զրույցի ընթացքում պարզ դարձավ, որ դերասանուհին հետևել է  «Հայաստանի ձայնը» նախագծի նախորդ եթերաշրջաններին.  «Հայաստանի ձայնը» նախագծին ես նայում եմ զուտ մասնակիցներին լսելու համար, ինձ հետաքրքիր է` ինձ ձայներ ունեն երեխաները: Ընտիր սերունդ ունենք:  Ճիշտ է, հիմա ես չեմ զբաղվում երգով, բայց 8 տարի դասական երգեր եմ երգել և 5 դափնեկրի կոչում ստանալ, կարծում եմ` հատկապես այն ժամանակներում հենց այնպես չեն տվել»,- Asekose.am-ի հետ զրույցում նշեց դերասանուհի Նաիրա Մովսիսյանը: 

Ստորև ներկայացնում ենք «Հայաստանի ձայնը» նախագծի տվյալ թողարկումը. 

Հեղինակ` Լիլիթ Նավասարդյան

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին