Ժան Պոլ Էքզիստենցիալ Սրճարանի հերթական հյուր բարմենը  հայկական շոու բիզնեսում հաստատուն ու վստահ քայլեր կատարող տաղանդավոր երգիչ Արման Մեսրոպյանն էր: 
Անցած տարի Արմանը Հայաստանը ներկայացրել է «Սլավյանսկի բազար»-ում, իսկ այս տարի մասնակցում  է «Դեպի Եվրատեսիլ» նախագծին և ելույթ է ունենալու «What You Hide» երգով (Ի՞նչ ես թաքցնում): 
Արմանը նախկին ֆուտբոլիստ է, երկար տարիներ մարզվել է Երևանի «Արարատում», աշխարհի ամենատիտղոսակիր ակումբի՝ Մադրիդի «Ռեալի» հայաստանյան ֆան ակումբի ակտիվ անդամներից է, սիրողական զբաղվում է թենիսով, վոլեյբոլով, ֆուտբոլով... Դե իսկ օրերս էլ՝ մի քանի ժամով զբաղվեց բարմենությամբ ու բոլորին հիացրեց իր հմտությունով, քանի որ պրոֆեսիոնալիզմը սահմաններ չի ճանաչում և այս խոսքերը լավագույնս են բնորոշում Արմանին: