Համացանցում լուրեր են տարածվել այն մասին, որ դերասանուհի Ռոզի Ավետիսովան և դերասան Վահե Զիրոյանը միասին են: Ռոզին այդ մասին ակնարկել է նաև ինստագրամյան իր էջում՝ օրեր առաջ հրապարակել է ստորև ներկայացված սելֆին` արված Վահե Զիրոյանի լուսանկարների ֆոնինև մակագրել այն.
«Ես եւ իմս»:
Մեկնաբանություններում էլ հետևորդները շեշտել են, որ նրանք շատ համապատասխան զույգ են:
Այս առիթով Asekose.am-ը կապ հաստատեց Վահեի հետ, ով լրագրողի հարցին պատասխանեց հետևալ կերպ.
«Մարդ չի կարող այդքան պարապ լինել, որ նստի ու հետևի, թե ով ինչ գրառում է կատարում իր լուսանկարի տակ: Ես չեմ մեկնաբանում այդ լուրը»:
Այն հարցին, արդյո՞ք այդ լուրերը հենց իրենք են տարածում իրենց հանդեպ ուշադրություն գրավելու համար, և չմեկնաբանելով էլ ավելի են թեժացնում և տարածում դրանք, Վահեն ասաց.
«Եթե պետք է չմեկնաբանենք, ու կրկին խոսեն ուրեմն թող խոսեն, դա իմ իրավունքն է»:
Լրագրողական մեր պրակտիկայում շատ են հանդիպում դեպքեր, երբ այս կամ այն հայտնի մարդը չի ցանկանում խոսել իր անձնականի մասին: Շատ դեպքերում չի հրապարակվում դա, սակայն Վահեի դեպքում մի փոքր զավեշտալի էր, քանի որ դերասանը այնպիսի առոգանությամբ և «ծանր» խոսքով պատասխանեց մեր զանգին, կարծես թե օրեր առաջ էր ստացել ՀՀ վաստակավոր արտիստի կոչումը:
Հարգելի՛ Վահե, մի՛ մոռացեք, որ հենց այդ նույն «պարապ» լրագրողների շնորհիվ եք դարձել ինչ-որ չափով հայտնի: Հիշե՛ք և մի՛ մոռացեք, թե ինչ ոգևորությամբ եք որոշ ժամանակ առաջ տվել Ձեր կյանքի առաջին հարցազրույցն ու սթափվե՛ք )))
Հեղինակ՝ Ա. Մաթևոսյան
