▲ Դեպի վեր

lang.iso lang.iso lang.iso

Աբովյան փողոցով հակառակ ընթացող մեքենայի մասին

Ճանապարհային ոստիկանությունը մշտապես հայտարարել է, որ արտոնյալ վարորդներ չկան և երթևեկության կանոնների խախտում կատարած ցանկացած անձ պատասխանատվության կենթարկվի: ՃՈ-ն բազմիցս ապացուցել է, որ սա զուտ կարգախոս չէ և համակարգում հետամուտ են բոլոր խախտումների վերաբերյալ օրենքով սահմանված կարգով միջոցներ կիրառելուն:

Սոցիալական ցանցերից մեկում այսօր հայտնվել էր լուսանկար, որում «Պրադո» մակնիշի 18 PP 888 ավտոմեքենայի վարորդը Աբովյան փողոցով /միակողմանի/ երթևեկել էր հակառակ ուղղությամբ: 

Լուսանկարը ահազանգ էր Ճանապարհային ոստիկանության համար և 1-ին սպայական գումարտակի աշխատակիցներն անմիջապես ձեռնարկեցին անհրաժեշտ բոլոր միջոցառումները ավտոմեքենան ու վարորդին հայտնաբերելու ուղղությամբ: Արդյունքը շատ չուշացավ: Լուսանկարում պատկերված  «Պրադո» մակնիշի 18 PP 888 ավտոմեքենան հայտնաբերվել ու տեղափոխվել է ՃՈ հատուկ պահպանվող տարածք, վարորդն էլ` ենթարկվել է վարչական պատասխանատվության: 
Եւս մեկ անգամ կոչ ենք անում պահպանել երթևեկության կանոնները, հակառակ դեպքում Ճանապարհային ոստիկանության օպերատիվ արձագանքը շատ չի ուշանա:

Արսեն Արշակյան

Ճանապարհային ոստիկանության պետ

Լուսանկարը` auto.am-ի

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին