Նախօրեին՝ Մոսկվայի օդանավակայանում ՌԴ իրավապահ մարմինները  բերման են ենթարկել աշխարհի ամենահարուստ հայերից մեկին՝ Լևոն Հայրապետյանին։ Նա կասկածվում է հանցագործ խմբավորման հետ համագործակցելու մեջ: Տեղեկանում ենք rosbalt.ru-ից: 

Նշենք, որ Լևոն Հայրապետյանը հայտնի է ԼՂՀ-ում իրականացրած մի շարք բարեգործական ծրագրերով: Մասնավորապես նրա մեկենասությամբ Արցախում ռազմական ուսումնարան է կառուցվում:

Հիշեցնենք, որ նա հաճախ է դժգոհություն հայտնել Հայաստանի գործող իշխանությունների վարած քաղաքականության մասին՝ նաև նշելով, թե  «Սերժ Սարգսյանը լավագույնն է վատագույնների մեջ»:

Համացանցի հայ օգտատերերը վստահ են, որ  Լևոն Հայրապետյանի ձերբակալությունն ադրբեջանական պատվեր է: