ermenihaber-ը գրում է. Հայտնի իտալացի դերասանուհի Մոնիկա Բելուչին շահել է թուրք գործարար Արաֆաթ Յազըջըի դեմ ներկայացրած դատը:Թուրք գործարարը 2003 թվականից դերասանուհու անունը որպես ապրանքանիշ գրանցել էր: Այս մասին տեղեկացնում է թուրքական «Սյուրեքլի հաբեր» լրատվական կայքը:Հարցին լուծում տալու համար 7 տարի առաջ բացված դատական գործընթացը ստացել է իր հանգուցալուծումը: Դատարանի որոշմամբ՝ անվան օգտագործման իրավունքը պատկանում է իտալուհուն: Դատարանը որոշել է  «Մոնիկա Բելուչի» ապրանքանիշը  անվավեր ճանաչելև հանել գրանցումից:Թուրք գործարարը հայտնի դերասանուհու անունը որպես ապրանքնիշ օգտագործելու հանգամանքը բացատրել է  անվան բարեհնչությամբ: