«Մեկնարկում է կապույտ այծի տարին՝ օժտված կանացի էներգիայով: Կամքի արտահայտման, ուժի դրսևորման տարի է»,-լրագրողների հետ հանդիպման ժամանակ խոսելով 2015 թվականի կանխատեսումների մասին՝ ասաց աստղաբան-էզոթերիկ Գուրգեն Հովհաննիսյանը:
Իսկ, թե ինչ է սպասվում կենդանակերպերի նշաններին՝ Գուրգեն Հովհաննիսյանը նկատեց.
Խոյերի համար մի փոքր բարդ տարի է լինելու, էներգիայի կորուստ կարող է նկատվել: Տարվա ընթացքում երջանկությանը նպաստող իրադարձություններ են սպասվում, որոնք չպետք է բաց թողնել:
Ցուլերի համար տարին հետաքրքիր է կարիերայի, ֆինանսների առումով: Կստեղծվեն առաջընթացի հնարավորություններ:
Երկվորյակների համար տարին խոստումնալից է: Խոսքի ուժով կարող են հասնել բաղձալի երազանքին:
Խեցգետինները երկար տարիներ սթրեսային վիճակում են եղել, սառույցը կկոտրվի: Արտահայտման տարի է, հաջող է նոր, համարձակ որոշումների համար:
Առյուծների համար խոսքը կարևոր նշանակություն ունի: Նոր խոստումները խոստումնալից են լինելու: Հաջող տարի է լինելու կարիերայի, անձնական կյանքի առումով:
Կույսերին սպասվում է ճանապարհորդություն՝ կարիերայի, ուսման հետ կապված: Բարեհաջող տարի է լինելու:
Կշեռքների համար տարին նույնպես բարեհաջող է լինելու, իսկ ռիսկային քայլերը՝ արդարացված:
Կարիճների համար տարին մի փոքր բարդ է լինելու՝ էներգիայի կորստի հետ կապված: Խորհուրդ է տրվում քիչ ճամփորդել, միայն խիստ անհրաժեշտության դեպքում, քանի որ կորուստը ճանապարհի հետ է կապված:
Աղեղնավորների համար բացառիկ տարի է լինելու: Տղամարդկանց մոտ կգերակշռի հոգևոր ուժը: Կանայք կարող են երջանիկ ընտանիք ստեղծել:
Այծեղջյուրների ընտանիքում ամրություն է սպասվում, բարդությունները վերացված են, դաշտն ազատ է ՝ գործելու համար:
Ջրհոսները կունենան հաջող տարի, կնվազեն սթրեսային վիճակները: Կլուծվեն ֆինանսական, անձնական, կարիերայի հետ կապված խնդիրները:
Ձկների բարդությունը առողջության հետ է կապված: տարվա առաջին հատվածը թող լինի կամքի արտահայտման ու ռիսկային, երկրորդ փուլում ռիսկային գործերն արդարացված կլինեն, երրորդ փուլը հաջող կլինի, իսկ տարվա ավարտը բարդ կլինի՝ անշարժ գույքի և ֆինանսների առումով: Պետք է հենվեն ներքին ձայնի վրա:
Բանախոսը նշեց, որ տարվա գույները կարմիրն ու կանաչն են, կապույտն ու մոխրագույնը, մետաղներից՝ երկաթը:
Անի Կարապետյան