Այն ամենը, ինչ կատարվում է այստեղ, ամեն ինչ է, բացի դատավարությունից. սոսկալի է: Կոտայքի մարզի ընդհանուր իրավասության առաջին ատյանի դատարանում հանդես գալով պաշտպանական ճառով այսպիսի հայտարարություն արեց ամբաստանյալի ֆրանսիացի պաշտպան Մարի Դոզեն:

«Ես վախ զգացի Հայաստանի, նրա օրնքների, նրա քրեական օրենքների նկատմամբ: Ես չհասկացա, թե մեկ տարվա քննությունն ի՞նչ նպատակի է ծառայել: Գրեթե ամեն շաբաթ եղել է դատաքննություն: Մեկ տարի հետո մենք նորից նույն կետում ենք: Ինչպե՞ս չմտածենք, որ այս դատավարությունն անօգուտ է, ամեն ինչ նախապես որոշված է:

Դուք Ձեզ այնպես եք պահում, կարծես կույր եք, խուլ եք, չեք պատասխանում հեռախոսի, արագության հետ կապված հարցերին, չեք պատասխանում Վարդանի հայտարարություններին: Դուք ոչ մի բանի չեք պատասխանում»,- դիմելով դատարանին՝ ասաց նա:

Պաշտպանի ճառից հետո դատարանում լսվեցին ճառեր, ինչը առաջացրեց տուժող Արթուր Հակոբյանի եւ նրա ընտանիքի զայրույթը, իսկ Ռուբեն Բալոյանը պահանջեց, որ ծափահարողները հեռացվեն, այլապես իրենք կլքեն դատական նիստերի դահլիճը: 

Տեսանյութը՝ tert.am-ի