Համահայկական բնապահպանական ճակատը հայտարարություն է տարածել, որում, մասնավորապես ասվում է.
Վերջին տասնհինգ օրերի ընթացքում տեղի ունեցած քննարկումների արդյունքում ի հայտ եկած ակնհայտ փաստերի հիման վրա, Եղիա Ներսեսյանը 2015թ․-ի հունիսի 21-ին հեռացվել է Համահայկական բնապահպանական ճակատ քաղաքացիական նախաձեռնությունից։
Սույն որոշումը կայացվել է Համահայկական բնապահպանական ճակատի համակարգող խորհրդի և անդամների համատեղ ժողովի ընթացքում, որին մասնակից է եղել նաև Եղիա Ներսեսյանը։
Հիշեցնենք, որ երեկ էլ հիմնադիր խորհրդարանի քարտուղարությունը տեղեկացրել էր, որ Հիմնադիր խորհրդարանի քարտուղարության անդամ Եղիա Ներսեսյանը հեռացվել է Հիմնադիր խորհրդարանի քարտուղարության կազմից՝ իր հասարակական դիրքը, ինչպես նաև իր հանդեպ առկա վստահությունը չարաշահելու միջոցով իգական սեռի երիտասարդ ներկայացուցիչների նկատմամբ անբարո վարքագիծ դրսևորելու պատճառով:
