Արդեն տեղեկացրել ենք, որ երեկ՝ սեպտեմբերի 2-ին, Տավուշի մարզում հակառակորդի գնդակից վիրավորվել են Կոթի գյուղի 2 բնակիչներ:
Կոթի գյուղի գյուղապետ Ֆելիքս Մելիքյանը Asekose.am-ին հայտնեց, որ վիրավորները մայր ու որդի են: Վերջիններս այս պահին գտնվում են Նոյեմբերյանի բժշկական կենտրոնում:
Նրանց ցուցաբերվել է բժշկական անհրաժեշտ օգնություն. վիրավորների վիճակը հիմա կայուն է:
Ավելի վաղ տեղեկացրել էինք, որ հայ-ադրբեջանական սահմանին սեպտեմբերի 2-ի լույս 3-ի գիշերը լարված է եղել: Այս մասին Asekose.am-ի ասաց Հայաստանի պաշտպանության նախարարի մամուլի խոսնակ Արծրուն Հովհաննիսյանը.
«Հակառակորդը կրակում էր և պատասխան էր ստանում: Այս պահին սահմանին իրավիճակը նորմալ է»:
Հեղինակ՝ Լիլիթ Նավասարդյան