Shamshyan.com-ը գրում է.
Այսօր՝ սեպտեմբերի 24-ին ողբերգական դեպք է տեղի ունեցել Կոտայքի մարզում: Ժամը 08:00-ի սահմաններում ոստիկանության Նաիրիի բաժին ահազանգ է ստացվել, որ Քանաքեռավան գյուղի 4-րդ փողոցի 42 տան այգում ծառից կախված տղամարդու դի կա:
Ինչպես հայտնում է ֆոտոլրագրող Գագիկ Շամշյանը, նշված վայր է ժամանել ոստիկանության Նաիրիի բաժնի օպերատիվ խումբը՝ Նաիրիի ոստիկանապետ Սեյրան Մարտիրոսյանի գլխավորությամբ: Ժամանել են նաև Տարածքային կառավարման և արտակարգ իրավիճակների նախարարության փրկարար ծառայության հատուկ հրշեջ-փրկարարական ջոկատը և Ճգնաժամային կառավարման Ազգային կենտրոնի օպերատիվ խումբը՝ Հարություն Հարությունյանի գլխավորությամբ:
Դեպքի մասին ոստիկանության Նաիրիի բաժնից տեղեկությունը փոխանցել են ՀՀ քննչական կոմիտեի Կոտայքի մարզային քննչական վարչության Նաիրիի քննչական բաժին, որտեղից դեպքի վայր է ժամանել մարզի քննչական վարչության պետ Մհեր Վարդանյանը՝ քննչական խմբի ու փորձագետի հետ:
Առավել մանրամասն՝ սկզբնաղբյուր կայքում
