Արմենիա Մարիոթ հյուրանոցում հայտարարվում է Ամանորի եւ Սուրբ Ծննդյան սկիզբը` ամանորյա տոնածառի զարդարման բարեգործական միջոցառմամբ:
Կազմակերպիչները տեղեկացնում են, որ վաղը, Արմենիա Մարիոթ հյուրանոցը, Օրրան հասարակական կազմակերպության եւ Մարի Իզմիլյանի անվան մանկատան հետ միասին կազմակերպում են ամանորյա տոնածառի զարդարումը կարիքավոր եւ հաշմանդամ երեխաների համար: Դեկտեմբերի 1-ին Արմենիա Մարիոթ հյուրանոցը կհյուրընկալի մոտ 25 երեխա վերը նշված 2 հասարակական կազմակերպություններից եւ կկազմակերպի ամանորյա տոնածառի զարդարումը:
Սկսած ժամը 14:00-ից երեխաները կհավաքվեն Արմենիա Մարիոթ հյուրանոցի Արմենիա Բրասերի ռեստորանում` պատրաստելու թխվածքներ
եւ քաղցրավենիքներ, որից հետո նրանց կմատուցվեն հատուկ պատրաստված
ուտեստներ: Այնուհետեւ բոլոր երեխաները կհավաքվեն տոնածառի շուրջը Սուրբ
Ծննդյանը նվիրված երգեր երգելու, երազանք պահելու, տոնածառը զարդարելու եւ
հույսի մի նոր շունչ արթնացնելու իրենց սրտերում:
Այս համատեղ նախաձեռնությունը հաշմանդամ եւ կարիքավոր երեխաներին
հասարակության մեջ ինտեգրելու օգնության եւս մեկ քայլ է:
Այն նպատակ ունի նաեւ բարձրացնելու հասարակության իրազեկության մակարդակը: