Գյումրու կենդանաբանական այգուց Ուրցաձորի առյուծների կացարան տեղափոխված առյուծներից մեկը հարձակվել է մարդու վրա:
Դեպքը տեղի է ունեցել մարտի 10-ի երեկոյան: Առյուծի հարձակման զոհ է դարձել Արարարտի մարզի Արալեզ գյուղի 44-ամյա բնակիչ Արտյոմ Ավետիսյանը:
Նա ընկերների հետ բարձրացել է սարը՝ կերուխումի, հետո ալկոհոլի ազդեցության տակ որոշել էր մոտիկից տեսնել վանդակում գտնվող առյուծներին: Արգելապատնեշն անցել է ու ձեռքը մեկնելով` փորձել է փաղաքշել առյուծներին: Արդյունքում կենդանիներից մեկը հարձակվել ու բռնել է նրա ձեռքը: Բարեբախտաբար ընկերները հարվածելով առյուծին կարողացել են գիշատիչի երախից ազատել նրան:՝
Արտյոմ Ավետիսյանը արդեն մեկ վիրահատության է ենթարկվել: Երկրորդի անհրաժեշտության հարցը կորոշվի երեք օր հետո:
