ՌԴ վարչապետ Դմիտրի Մեդվեդևը այցելել է Հայոց ցեղասպանության զոհերի հուշահամալիր ու հարգանքի տուրք մատուցել 1915-ին Օսմանյան կայսրությունում Հայոց ցեղասպանության զոհերի հիշատակին: Ռուսաստանի վարչապետին ուղեկցում էին ՀՀ վարչապետ Հովիկ Աբրահամյանը և պատվիրակության անդամները:
Հիշեցնենք, որ Դմիտրի Մեդվեդևը ապրիլի 7-ին պաշտոնական այցով Երևան է ժամանել: ՀՀ կառավարությունում տեղի է ունենալու Հայաստանի եւ Ռուսաստանի վարչապետների հանդիպումը, այնուհետեւ կայանալու է երկու երկրների պատվիրակությունների հանդիպումն՝ ընդլայնված կազմով եւ մի շարք ոլորտներում երկկողմ համագործակցության վերաբերյալ փաստաթղթերի ստորագրումը:
Հովիկ Աբրահամյանն ու Դմիտրի Մեդվեդեւը լրատվամիջոցների համար հանդես կգան հայտարարությամբ: Նախատեսված է նաեւ Մեդվեդեւի հանդիպումը Հայաստանի նախագահ Սերժ Սարգսյանի հետ: