Քանդակագործ Ֆերդինանտ Առաքելյանը Հռոմի պապի համար անակնկալ է պատրաստել՝ քանդակի տեսքով:
«2 ամիս առաջ սկսել եմ աշխատանքս և գործի ամբողջ իմաստը մեկ րոպե լռությունն է: Ներկայացված են Հռոմի պապը, Ամենայն Հայոց Կաթողիկոս Գարեգին Բ-ն, Համայն Ռուսիո պատրիարք Կիրիլը, Բուդդան և մուսուլմանները: Կենտրոնում Կենաց ծառն է, մեր ապրած ողբը, անկոտրում մնալն ու դեպի ապագա նայելը»,-լրագրողների հետ հանդիպման ժամանակ ասաց քանդակագործը՝ նշելով, որ աշխատանքը կավարտի 15 օրից, կհանձնի հայ հասարակության դատին.
«Քանդակն ավելի գեղեցիկ է եղել, քան Մարզահամերգային համալիրի պատը, ավելին՝ նոր ոճ է: Կցանկանայի, որ այս քանդակը հայ ազգի կողմից նվիրվի նրան»,-նկատեց Ֆերդինանտ Առաքելյանը:
Հիշեցնենք, որ Հռոմի պապը հունիսի 24-26-ը կայցելի Հայաստան:
Անի Կարապետյան