SOS Gyumri բարեգործական ծրագրի բնակարանների թիվն ավելացել է ևս մեկով՝ հասնելով 25-ի։ «Հայաստանի էլեկտրական ցանցեր» ընկերությունը ծրագրին նվիրաբերած 13 բնակարաններին ավելացրել է ևս մեկը։

Բնակարանը հանձնվել է ապրիլի քառօրյա պատերազմում հերոսաբար ընկած Հրաչյա Գալստյանի ընտանիքին։ Այդ մասին տեղեկացնում ենք  SOS Gyumri բարեգործական ծրագրի ֆեյսբուքյան էջից:

Բնակարանը լուսահոգի հերոսի ընտանիքին հանձնվել է նրա փոքրիկի լույս աշխարհ գալու օրը։
Ամփոփելով ծրագրի արդյունքները, նշվում է, որ այսպիսով 23 բնակարան արդեն փաստացի ունի հասցեատեր։ 1988-ի ավերիչ երկրաշարժի հետևանքով անօթևան մնացած ավելի քան 100 մարդ, ովքեր ապրում էին անմարդկային պայմաններում, տեղափոխվել են գեղեցիկ, կահավորված բնակարաններ։

Եվս 2 բնակարան, որոնք SOS Gyumri ծրագրին պետք է փոխանցեն ԱԺ պատգամավոր Արման Սահակյանն ու ՎԵԳԱ ընկերությունը, պետք է փոխանցվեն անօթևաններին։