Panorama.am-ը գրում է.
Ապրիլյան մարտերի ժամանակ վիրավորված զինծառայող Ռուբեն Առաքելյանը այսօր առավոտյան տեղափոխվել է Գերմանիա բուժման: Այդ մասին կայքին տեղեկացրեց Ռուբենի մորաքույրը՝ Նարինե Թումանյանը:
Նրա խոսքով, «Զվարթնոց» օդանավակայանից այօր առավոտյան նրանք մեկնել են Մոսկվա, այնուհետև Դյուսելդորֆ, որտեղից էլ պետք է մեկնեն Բոն՝ համալսարանական կլինիկա վերականգնողական բուժում ստանալու:
«Բժիշկների հետ նախնական պայմանավորվածություն ունեցել ենք այնտեղ բուժման պրոցեսը կազմակերպելու է հայազգի բժիշկ Վարդան Խաչատրյանը: Ռուբենը երեք ամիս վերականգնողական բուժում է ստանալու: Ասել են, որ նրան այս պահի դրությամբ վիրահատություն չի սպասվում», -փոխանցեց տիկին Թումանյանը:
Զինծառայողին և նրա մորը բժիշկ է ուղեկցելու:
Նյութը՝ սկզբնաղբյուր կայքում
