ՀՀ արտաքին գործերի նախարարության մամուլի քարտուղար Տիգրան Բալայանն թվիթերի իր էջում լուսանկար է հրապարակել, որում պատկերված է Հռոմի պապին Գյումրի տեղափոխող ինքնաթիռը:
Հիշեցնենք, որ մինչ այդ Հռոմի պապ Ֆրանցիսկոսը եղել է Ծիծեռնաբերդի հուշահամալիրում՝ ՀՀ նախագահի և Ամենայն Հայոց Հայրապետի ուղեկցությամբ: Այստեղ նա աղոթք է հնչեցրել ու սպիտակ վարդեր դրել:
Հավելենք, որ Գյումրիում Հռոմի Ֆրանցիոսկոս Պապը պատարագ կմատուցի Վարդանանց հրապարակում: Դրանից հետո Հռոմի Պապը կուղեւորվի Հայ կաթողիկե «Տիրամայր Հայաստան» եկեղեցու Պողոսյան կրթական կենտրոն:
Երեկոյան Հռոմի Պապը Երևանում էկումենիկ արարողություն կանցկացնի և աղոթք կբարձրացնի հանուն խաղաղության: