Ինչպես հաղորդում է Reuters գործակալությունը, ահաբեկչություն կատարած անձի ինքնությունը հաստատվել է: Նա 31 տարեկան ֆրանսիացի է, ծագմամբ՝ Թունիսից:Նախկինում էլ նա ներգրավված է եղել քրեական գործերում, որոնք մասնավորապես կապված էին գողությունների և խուլիգանության հետ:
Նշենք, որ այս պահին Ֆրանսիական Նիսում ահաբեկչական հարձակման հետևանքով զոհերի թիվն արդեն հասել է 84-ի, վիրավոր է ավելի քան 120 մարդ, 18-ը գտնվում են ծայրահեղ ծանր վիճակում: Այդ մասին հայտնում է Le Figaro-ն"
Հիշեցնենք, որ հուլիսի 14-ին Նիսում մարդկանց բազմության մեջ է մխրճվել մի բեռնատար, որից հետո վարորդը սկսել է կրակել մարդկանց վրա: Նա սպանվել է ոստիկանների կողմից:
Հավելենք նաև, որ ըստ լրատվամիջոցների՝ «Իսլամական պետություն» ահաբեկչական խմբավորումը ստանձնել է արյունալի հարձակման պատասխանատվությունը:
